يتحرشون بيج ؟ الحق عليج إنولدتي بنية

لنتخيل معاً.

#مرحلة_أولى:
متحرش مد أيده أو لسانه أو كلماته البذيئة على بنية ،، صفعته كف على وجهه وطبعاً مع فتح المخيلة لإستعياب تنوّع هذا الكف فقد يكون كف فعلي بيدها ،، قد يكون إقامة دعوى في مركز شرطة ،، قد يكون فضحه وجعله عبرة للآخرين .. إلخ

#مرحلة_ثانية:
نفس المتحرش ،، نفس الفعل منه ،، نفس البنية ،، ونفس الكف صدر منها.
ولكن مع تواجد المجتمع هذه المرة والذي سينقسم إلى:

1_بعد أيدي وعاشت أيدج ،، وتفووو عليك يا نذل.

2_تره إنتي لو ما لابسة هيج ،، لو ما مخلية صورج بالفيس ،، لو ما تقبلين صداقتهم ،، لو تطمين روحج أصلاً كان محد يجي يمج!

3_شنو هاي الكف الصدر منج أشو عيب وميدل على أنوثتج ،، عيع تره هاي بس المسترجلة أو العاهرة هيجي تلعلع!

4_تره والله خبصتينا ،، كومة غيرج يتحرشون بيهم ويسكتون ،، عود شنو شوفوني أنا حلوة ومرغوبة وديتحارشون بيا؟

5_شعليا آنا بإللي صارلج ،، منو إنتي أصلاً بالنسبة إلي؟ حبيبتي؟ مرتي؟ أختي؟ صديقتي؟ بس هذني اللي يهموني ،، يطبج مرض إنتي ما أعرفج.

6_تره الشباب هم خطية ومساكين كاتلهم الكبت والحرمان ،، من لا چارة هيجي ديتحارشون ولازم تفكرين بسنسكريتية البنية التحتية الفاسدة للمجتمع وتحترمين حاجاتهم الدفينة اللي انحرمو منها.

#مرحلة_ثالثة:
نفس المتحرش ،، نفس الفعل منه ،، نفس البنت ،، مع غياب الكف الواجب صدوره منها دفاعاً عن نفسها وكرامتها ،، ولكم أن تحاولوا إكتشاف لماذا سكتت هذهِ المرة ومن كان السبب في ضعفها وإزدياد أعداد المتحرشين.

تره تسمية بلدان العالم الثالث ،، ما إجت من فراغ.